News

Dorpsrugby op sy beste

Schweizer dorpsrugby op sy beste

Schweizer-Reneke - Die rugbyklub hier is skaars uit die wegspringblokke en hulle is reeds in 'n pylvak.

Schweizer Rugbyklub het Saterdag (10 Julie) teen die span van Zeerust in die Jaag Steyn Liga se semi-finaal te staan gekom. Aanvanklik het die wedstryd taai begin. Teen die einde van die eerste helfde het Zeerust voorgeloop met 9-3. Maar na lemoentyd was dit asof daar nuwe lewe in die Schweizer-spelers ingeblaas is toe hulle met lles terugdraf op die veld. Beide spanne het goed teen mekaar opgeweeg, maar teen die 80ste minuut was daar geen twyfel dat die wedstryd aan die tuisspan behoort het nie. Schweizer het Zeerust met 46-9 geklop.

Die wenspan kom weer Saterdag (17 Junie) op hul tuisveld teen Mafikeng in die finaal te staan. Die klub doen graag 'n beroep op die gemeenskap om die span te kom ondersteun in 'n wedstryd wat beloof om 'n epiese tweestryd te wees. Wedstrydgangers word ook versoek om rooi en wit aan te trek ter ondersteuning van hul span.

News

Advertise

Contact Us

Quick Contact