Mej Stellalander: Wie volg Nadine op?
Vryburg - Inskrywings vir Mej Stellalander 2010 het pas geopen en 'n wonderlike wêreld vol opwinding wag op 'n gelukkige jong vrou.
As jy tussen 17 en 23-jaaroud is, intelligent is en 'n hart vir jou medemens het, is jy die meisie na wie ons soek.
Soos gewoonlik word die kroning tydens die openingsaand van die Vryburg Skou gehou - di‚ is vanjaar op Woensdag (5 Mei).
Om in te skryf, is baie eenvoudig: Vul die vorm in dié uitgawe in, sit 'n duidelike gesigfoto van jou by, maak 'n afskrif van jou ID en stuur dit aan Stellalander, Posbus 443, Vryburg of e-pos dit aan christelle@stellalander1.co.za. Jy kan ook jou inskrywing inhandig by ons kantore te Molopoweg 33, Vryburg.
As jy nie 'n mooi foto van jou het nie, kan jy net reël en ons neem dit vir jou gratis. Inskrywings, wat heeltemal gratis is, sluit op 8 Februarie.
Skakel Cornel Grobler op 082 570 8541 of Christelle Wessels op 072 958 0656 vir meer inligting.
|